Në Shqipëri, bujqësia është një ndër sektorët kontribuues më të mëdhenj në ekonominë e vendit dhe një burim i rëndësishëm punësimi.
Bujqësia vitet e fundit, po vijon të rrisë në mënyrë të qendrueshme kontributin e saj në PBB dhe ka rritur forcën e angazhuar në punë në sektorin rural në nivelin 44% të totalit të të punësuarve në shkallë vendi.
Sipas INSTAT në fund të vitit 2021 regjistrohen të punësuar në të gjithë vendin 1,248,749 persona, ndërsa të dhënat e grumbulluara nga Anketa e Forcave të punës, bëjnë të ditur se, 44 % e të punësuarve rezultojnë në sektorin bujqësor, të pyjeve dhe peshkimit.
Duke krahasuar përqindjen e të punësuarve në bujqësi me punësimin total rezulton se rreth mbi 540 mijë persona janë të aktivizuar me punë në bujqësi, pyje e peshkim.
Përmes skemave kombëtare, IPARD-it, etj, buxheti i Ministrisë së Bujqësisë dhe Zhvillimit Rural është rritur nga viti në vit, mbështetje të fermerëve që nxisin prodhimin, punësimin dhe sigurojnë më shumë të ardhura.
Tashmë fakt është që ekonomitë rurale krahas modelit të vetëpunësimit familjar po orientohen në zgjerimin e punësimit në mbi 10 persona, në varësi edhe të zhvillimit të aktivitetit të tyre, duke kontribuar në rritjen e angazhimit me punë në këtë sektor.
