Normat e interesit të bonove të thesarit shënuan rënie të lehtë, në ankandin e zhvilluar këtë javë, bëri të ditur Banka e Shqipërisë.
Sipas BSH-së, bonot e thesarit me afat 12- mujor u shitën në ankandin e së martës me një interes (yield-mesatar) të ponderuar prej 1.67%, kundrejt niveli prej 1.7% që ishte në ankandin e mëparshëm.
Interesi mesatar pësoi rënie në të njëjtën masë edhe për bonot e thesarit me maturim 6-mujor, duke rënë në 1.31%, nga 1.34% që ishte në ankandin e mëparshëm.
Në ankandin e së martës u shitën bono thesari me vlerë 8.7 miliardë lekë, ndërsa vlera e paraqitur arriti në gati 10.8 miliardë lekë.
