Totali i kursimeve në banka arriti në vlerën 1.23 trilionë lekë, në fund të muajit prill ose gati 10 miliardë euro.
Banka e Shqipërisë bëri të ditur se, krahasuar me muajin mars 2022, kursimet janë rritur me 873 milionë lekë ose 0.07%, në muajin prill.
Sipas BSH-së, kursimet në monedhën vendase ranë me 0.6%, të ndikuara kryesisht nga tkurrja e depozitave të korporatave jo financiare. Ndërsa depozitat në valutë, u rritën me 0.62% në raport me marsin, duke amortizuan tkurrjen e kursimeve në monedhën vendase.
Rritja u nxit kryesisht nga individët.
Me bazë vjetore, depozitat në prill u rritën me 8.9%. Rreth 85% e kësaj rritjeje erdhi nga shtimi i kursimeve në valutë, ndërkohë që individët dhe bizneset duket se po e kanë më të vështirë të kursejnë në monedhën vendase.
Në fund të prillit, depozitat në valutë zinin 56.2% të totalit, nga 53.6% të totalit.
