Bankat në të gjithë Bashkimin Europian përjetuan një rritje të kredive për kompanitë e vogla dhe të mesme në tremujorin e parë të vitit, por Autoriteti Bankar Europian (EBA) tha se risqet e kredive me probleme kanë nisur të materializohen me rritjen e tyre në 3 muajt e parë të vitit 2024. Në një deklaratë për media bëhet e ditur se rentabiliteti i bankave të BE-së mbetet elastik edhe pse sektori po përballet me risqe të materializimit të kredisë.
Shumica e bankave të anketuara presin përkeqësim të mëtejshëm të cilësisë së aktiveve në CRE – pasuri të paluajtshme komerciale, kredi për SME-të dhe kredi konsumatore në 6-12 muajt e ardhshëm.
Normat e interesit në eurozonë janë rritur ndjeshëm për të luftuar inflacionin, duke i bërë kreditë më të shtrenjta, megjithëse Banka Qendrore Europiane filloi të ulë normat këtë muaj, duke sinjalizuar se kulmi i eurozonës në kostot e huamarrjes ka kaluar. Bankat e BE-së presin një ngadalësim të fitimeve në 6-12 muajt e ardhshëm mes uljes së normave të interesit, megjithëse kreditë pritet të rriten, thekson EBA. Bankat raportuan se kreditë me probleme u rritën me 2%, tremujor në tremujor, ekuivalente me 7 miliardë euro.
Rregullatorët kanë filluar të shqyrtojnë lidhjet midis bankave dhe “jo-bankave” si fondet e investimeve dhe siguruesit, një fushë ku të dhënat për vlerësimin e rrezikut sistemik janë të paqarta.
