Ndërsa dihet tashmë se shteti shqiptar ka në lojë qindra miliona euro në arbitrazhet ndërkombëtare, edhe në Buxhetin e vitit 2022 Qeveria nuk jep asnjë të dhënë për ecurinë e tyre apo shifrat që rrezikon të paguhen në favor të kompanive fituese. E vetmja shifër e publikuar për këtë zë është buxheti I akorduar për Avokaturën e Shtetit, I cili nuk e kalon shifrën modeste të 221 milionë lekësh, afërisht 2 milionë euro, të cilat përdoren kryesisht për pagesën e studiove apo kompanive të konsulencës që kontraktohen për mbrojtjen në arbitrazhe. Nga ana tjetër Qeveria ka parashikuar një fond rezervë prej 2.4 miliardë lekësh, afërisht 20 milionë euro, për raste të paparashikuara të njësive të qeverisjes së përgjithshme, por pa specifikuar ndonjë rast që mund të ketë lidhjet nga arbitrazhet.
Ndërkaq, me siguri dihet se shteti shqiptar rrezikon qindra miliona euro vetën nga tre përplasje të rëndësishme në arbitrazhet ndërkombëtare. Fatura më e kripur është ajo e biznesmenit Italian Francesco Becchetti. Sipas opozitës, vendimi që tashmë është I formës së prerë, detyron Qeverinë t’I paguajë biznesmenit Italian plot 120 milionë euro bashkë me kamatvonesat. I dyti është ndaj kompanisë “Aktor” për punimet shtesë në autostradën Tiranë-Elbasan. Kompania pretendon se në vitin 2020 Arbitrazhi ka gjetur fajtor qeverinë shqiptare për largimin e saj pasi ajo përfundoi Tunelin e Kërrabës, por u largua pas rishikimit të projektit për pjesën e shembjes në Ibë. Fatura për këtë përplasje është 44 milionë euro. Një përplasje tjetër nga e cila shteti shqiptar rrezikon të humbasë 100 është ai me kompaninë Kurum.
