Personat që vuajnë nga alergjitë ndaj disa ushqimeve janë më pak të prirur për t’u prekur nga COVID. Një studim i financuar nga Instituti Kombëtar i Shëndetit (NIH) në Shtetet e Bashkuara zbuloi se njerëzit me alergji ndaj ushqimeve specifike rrezikojnë 50% më pak për t’u infektuar nga COVID sesa ata që nuk ishin alergjikë ndaj asnjë ushqimi.
Studimi i Epidemiologjisë dhe Reagimit ndaj SARS-CoV-2 (HEROS) monitoroi më shumë se 4.000 njerëz, në gati 1.400 familje në SHBA.
Dr Tina Hartert, profesoreshë e mjekësisë dhe pediatrisë në Shkollën e Mjekësisë të Universitetit Vanderbilt në Nashville, dhe bashkëdrejtuese e këtij studimi, spekuloi se një “inflamacion i tipit 2” i cili është karakteristik për gjendjet alergjike, mund të zvogëlojë nivelet e një proteine të quajtur receptori ACE2 në sipërfaqen e qelizave të rrugëve të frymëmarrjes.
