Autoriteti Kombëtar i Ushqimit (AKU) ka intensifikuar inspektimet me ofrimin e sezonit veror, në qendrat e tregtimit ushqimor, pikat e inspektimit kufitar dhe institucione që ofrojnë ushqime, ( çerdhe, kopshte, shkolla) për rritjen e sigurisë ushqimore dhe mbrojtjen e shëndetit të konsumatorëve.
Gjatë 24 orëve të fundit AKU ka kryer në shkallë vendi mbi 600 inspektime në subjekte të ndryshme tregtare, nga të cilat 502 kontrolle janë kryer në pikat e kalimit kufitar, nga ku janë marrë dhe 25 mostra për analiza laboratorike.
Nga kontrollet e kryera, janë bllokuar dhe asgjësuar 63 tonë produkte, që kanë rezultuar jashtë standardeve për konsum, ndërsa janë marrë 58 mostra për analiza laboratorike.
Për shkeljet e konstatuara AKU ka dhënë 2 masë administrative gjobë në vlerën totale 720 mijë lekë.
AKU i bën apel subjekteve të respektojnë standardet dhe rregullat e sigurisë ushqimore, teksa njofton se do të intensifikojë kontrollet me afrimin e sezonit veror.
