Agjencia Shqiptare e Zhvillimit të Investimeve (AIDA) gjatë vitit 2024 ka mbështetur 101 biznese mikro, të vogla dhe të mesme (MSME) në sektorë të ndryshëm, duke nxitur kështu eksportet, inovacionin dhe duke financuar në mënyrë të veçantë edhe rritjen e sipërmarrjeve të drejtuara nga gratë.
Vlerat e granteve të përfituara variuan nga 800 mijë – 2,5 milionë lekë për ndërmarrje. Ato stimulojnë krijimin e vendeve të punës, nxisin shpirtin sipërmarrës dhe shërbejnë si themel i qëndrueshmërisë ekonomike.
Skemat mbështetëse për MSME-të synojnë rritjen e konkurrueshmërisë së ndërmarrjeve, zhvillimin e produkteve dhe shërbimeve, inovacionin, rinovimin e teknologjisë, zhvillimin e artizanatin mbështetjen e grave sipërmarrëse, me qëllim nxitjen drejt eksportit dhe forcimin e aftësive të tyre lidhur me shërbimet dhe produktet për një treg të qëndrueshëm.
Fondi i posaçëm u shpërnda ndërmjet dy skemave, skemës për shpenzime korrekte dhe skemës për shpenzime kapitale.
Nga një numër i lartë aplikimesh arritën të përfitonin 54 aplikues për shpenzimet korrekte dhe 47 për shpenzime kapitale, ndër të cilët 60% ishin meshkuj dhe 40% femra.
Nga ana tjetër, 70% e fondit shkoi për sektorët e prodhimit, si industria e agropërpunimit, artizanati, industria e lehtë përpunuese, sektori i tekstileve dhe lëkurë-këpucët. Ndërsa 30% shkoi për sektorët e shërbimit, duke përfshirë BPO (Business Process Outsourcing; Shërbime të Jashtme për Menaxhimin e Proceseve të Biznesit), edukim, logjistikë, turizëm, etj.
Skemat në mbështetje të bizneseve do të vijojnë të aplikohen nga AIDA përmes thirrjeve të posaçme edhe gjatë këtij viti. /ekofin.al
