Të dhënat e fundit zbulojnë se pabarazitë ekonomike në Bashkimin Evropian janë të theksuara, duke ndikuar në mundësitë e qytetarëve për të realizuar pushime. Në vitin 2023, rreth 29% e qytetarëve të BE-së mbi 16 vjeç nuk ishin në gjendje të përballonin një udhëtim njëjavor për shkak të vështirësive financiare.
Këto shifra pasqyrojnë një ndarje të thellë ekonomike, ku disa individë mund të shijojnë pushime të shpeshta, ndërsa një pjesë e konsiderueshme e popullsisë është e kufizuar financiarisht. Në vitin 2022, 38% e qytetarëve të BE-së të moshës 15 vjeç e sipër nuk kishin realizuar ndonjë udhëtim për arsye jo pune, duke theksuar se një segment i madh i popullsisë është privuar nga mundësitë për pushime.
Kur krahasohen vendet, pabarazitë bëhen më të dukshme. Në Spanjë dhe Itali, përkatësisht 33% dhe 32% e qytetarëve nuk mund të përballojnë një pushim njëjavor. Në Francë dhe Gjermani, këto shifra janë pak më të ulëta, 25% dhe 23%. Rumani ka përballuar një situatë më të rëndë, me 60% të popullsisë që nuk mund të udhëtojë për shkak të kufizimeve financiare. Bullgaria (44%) dhe Hungaria (43%) gjithashtu përballen me nivele të larta të kufizimeve financiare për pushime.
Në kontrast, Norvegjia ka vetëm 7.9% të popullsisë që nuk mund të përballojë pushime, duke theksuar se forcë ekonomike e një vendi ndikon drejtpërdrejt në mundësitë e qytetarëve për të realizuar pushime
