Ministrja e Ekonomisë dhe Inovacionit Delina Ibrahimaj, në një deklaratë për mediat bëri një përmbledhje dhe analizë mbi treguesit ekonomikë të 3-mujorit të parë të vitit 2026.
“Sektorët më të lartë, ishte sektori i administrimit, shëndetit publik dhe arsimit, sektori i aktiviteteve profesionale, sektori i ndërtimit, dhe sektori i pasurive të palujtshme. Në vlera reale, ndërtimi u rrit me 3.33%, tregtia, transporti, 1.61%, informacioni dhe komunikacioni u rrit me 1.48%, aktivitete financiare dhe sigurimeve u rrit me 5%, pasuritë e paluajtshme me 8.9%, sektori i aktiviteteve profesionale 7.32%.”
Ndër të tjera ministrja Ibrahimaj u ndal edhe në avancimin e rritjes së standardeve europiane për ndërmarrjet e mesme dhe të vogla. Ndërsa theksoi se brenda këtij viti do të miratohet edhe ligji për investimet strategjike.
“Kemi marrë përsipër që brenda këtij vitit të miratojmë ligjin e ri për investimet. Të bëjmë një analizë për të gjithë vendet e BE me qëllim tërheqjen e investime në vendet e tyre. Brenda verës ne do të fillojmë një proces të konsultimit për ligjin për investimet sipas standardeve të BE dhe për tërheqjen e investimeve në zona të disavantazhuara”.
Gjithashtu ministrja Ibrahimaj deklaroi se gjatë muajit shtator qeveria do të prezantojë komponentët e reformës së skemës së pensioneve, duke sqaruar se atëherë do të bëhen publike edhe fushat ku do të ndërhyhet./Scantv
