Një verë “e nxehtë” parashikohet për industrinë e turizmit në Europë, me Kontinentin e Vjetër që pret një numër rekord turistësh. Atraksionet e famshme rrisin çmimet e biletave. Hotelet kushtojnë dhe dollari ka rënë, si ndaj paundit ashtu edhe ndaj euros. Sipas Tom Jenkins, CEO-s së Organizatës Europiane të Turizmit, ka pasur një rritje të ndjeshme të kërkesës në krahasim me vitin e kaluar.
Udhëtarët amerikanë janë tashmë në disavantazh për shkak të dollarit të dobët, i cili gjithashtu po bie nga viti në vit kundrejt 11 monedhave të tjera europiane. Nga Bosnja, Bullgaria, Danimarka dhe Islanda, në Poloni, Suedi dhe Zvicër, udhëtarët me dollarë në xhep pritet të paguajnë më shumë. Inflacioni po rritet dhe biletat për atraksionet e njohura po rriten më shumë. Në Francë, Kulla Eifel do të rrisë çmimet me 20% nga 17 qershori, Aja Sophia e Stambollit tani tarifon 25 euro për të hyrë, ndërsa Venecia romantike tani do të kushtojë 5 euro në datat e pikut.
Megjithatë, biletat janë të zbehta në krahasim me çmimet e hoteleve në shumë qytete të mëdha. Kur akomodimet arrijnë 90% ‘të pushtimit’, një dhomë prej 350 dollarësh mund të arrijë në 500 dollarë. Ndërkohë biletat ajrore nga SHBA-ja në Europë u ulën me 16% krahasuar me vitin 2023.
