Roma pret sërish Krishtlindje madhështore. Ky aktivitet festiv në qiell të hapur, i cilësuar si një nga fshatrat më të mëdhenj të Krishtlindjeve në Europë, do të zhvillohet në Galloppatoio të Villa Borghese nga 29 nëntori deri më 11 janar 2026.
Panairi do të ofrojë karusela, pistë patinazhi mbi akull, lojëra, elfë, Babagjyshin e Krishtlindjeve dhe stenda me lodra, ëmbëlsira, zbukurime, ushqime me temë festive dhe dhurata.
Edicioni i vitit 2025 premton atraksione të reja dhe shfaqje me rreth 300 artistë ndërkombëtarë.
Ky aktivitet i dashur synon të sjellë atmosferën e Krishtlindjeve të qyteteve më të mëdha të botës përmes instalimeve skenografike në një hapësirë prej 50 000 m² nga 30 000 m² që ishte në edicionin 2022–2023.
Eventi “Christmas World” në Romë dallon për diversitetin e jashtëzakonshëm të atraksioneve, me zona tematike që riprodhojnë atmosferën e qyteteve të mëdha të botës – nga Parisi e Londra deri te Nju Jorku e Berlini – të shoqëruara me instalacione skenografike e hapësira të krijuara posaçërisht për foto.
Festivali ka fituar gjithashtu një karakter ndërkombëtar të theksuar, me mbi 300 artistë të huaj që marrin pjesë në shfaqje teatrale, performanca muzikore dhe parada që e kthejnë eventin në një spektakël kulturor përtej kufijve italianë. Falë këtij koncepti unik dhe atmosferës magjike që krijon në zemër të Villa Borghese, “Christmas World” është shndërruar në një destinacion të mirëfilltë turistik për vizitorë nga mbarë bota, duke nxitur një fluks të shtuar të turistëve në Romë gjatë sezonit të festave dhe duke gjeneruar përfitime të dukshme për sektorin e akomodimit, transportit dhe konsumit lokal.
Çfarë duhet të kenë parasysh turistët
Bileta: rekomandohet rezervimi paraprak për të siguruar hyrjen në oraret e përcaktuara.
Koha: Eventi zgjat gjatë gjithë sezonit të festave (nëntor–janar) — kështu që orari i saktë ndryshon në ditë të caktuara si 24, 31 dhjetor, 1 janar.
Aktivitetet për fëmijë: Zona të dedikuara për familje, si dhe atraksione më “adrenalinike” për fëmijë të rritur.
Fotografi & përvoja sociale: Instalacionet tematike janë menduar për foto të veçanta — një plus për vizitorët që duan të dokumentojnë eksperiencën.
Lidhja me qytetin: Lokacioni – Villa Borghese – është një nga parqet kryesorë të Romës dhe një pikë lidhëse për vizita të tjera turistike në qytet.
Eventi “Christmas World” në Romë, i organizuar në Villa Borghese, ka evoluar me ritëm të shpejtë dhe ndodhet tani në një nivel ku mund të konsiderohet një nga fshatrat më të kompletuar të Krishtlindjeve në Evropë.



