Bizneset e reja apo edhe ato ekzistuese që kanë në fokus qasjen e gjelbër do të mbështeten me grante të posaçme nga ana e Bashkisë Tiranë.
Projekti ka për qëllim transformimin e Shqipërisë nga një ekonomi lineare drejt një ekonomie qarkulluese të drejtuar nga inovacioni. Këto biznese te reja apo ekzistuese përmes kësaj mbeshtetje financiare do mund të ndryshojnë politikën e tyre duke përdorur metoda efikase me qëllim zvogëlimin e sasive të mbetjeve që gjenerojnë.
Aplikimet janë hapur më 7 tetor dhe do të qëndrojnë për 1 muaj. Kohëzgjatja e zbatimit të projektit është 12-mujore. Buxheti total i tij është 20 milionë lekë dhe vlera limit për çdo biznes do të jetë 2 milionë lekë.
Pagesa e grantit të përfituar bëhet 50% në fillim të projektit me dorëzimin e një kopjeje të certifikatës së NIPT-it dhe 50% në përfundim të projektit, kundrejt faturave që vërtetojnë shpenzimet e kryera dhe dokumentave të tjera mbështetëse.
Ekofin.al publikon të gjithë dokumentacionin e nevojshëm që ju duhet për të realizuar aplikimin, si më poshtë:
-Kopje e kartës së identitetit
– Vertetim qe nuk është në proces likujdim ose falimentimi per bizneset ekzituese
-Është i regjistruar në Shqipëri dhe kryen veprimtari ekonomike ne territorin e Bashkisë Tirane (kopje e certifikatës së regjistrimit të biznesit);
-Vertetim që nuk ka detyrime nga zyra e taksave dhe tarifave vendore dhe qendrore.
-Dëshmi penaliteti
-Vërtetim origjinal i llogarisë bankare në lek.
-Formulari i aplikimit për grant (duke përfshirë të gjitha fushat dhe buxhetin e kërkuar); (sipas aneksit 1 );
-Formulari i vetdeklarimit (Sipas aneksit 2);
-Deklaratë Ndihma Shtetërore De Minimis (sipas aneksit 3).
Propozimi i idesë së biznesit (dokument që duhet te plotesohet nga ju)
Vlerësimi i ofertave do të realizohet sipas metodikës së mëposhtme:
-Përshkrimi i projekt idesë. (Qellimi, objektivat)- 10 pikë
-Përshkrimi i ndërhyrjes: Çfarë investimi planifikon të kryejë biznesi juaj?Pershkruani aktivitetet qe planifikoni te kryeni gjate periudhes se implementimit- 30 pikë
-Rezultatet e pritshme nga investimi i kryer- 30 pikë
-Aspekti social ne projektin e propozuar ( gratë sipërmarrëse)- 10 pikë
-Ndikimi mjedisor. Shpjegoni aspektet pozitive të projektit, të tilla si: Impakti në mjedis metodat e ripërdorimit etj;- 20 pikë
Total 100 pikë
Aplikimi dhe dokumentat bashkëlidhur duhet të dërgohen të skanuara në postën elektronike [email protected]
Në thelb të saj, metodologjia thekson bashkëpunimin dhe angazhimin me aktorë të ndryshëm, duke shfrytëzuar perspektivat dhe ekspertizën e tyre unike për të zhvilluar zgjidhje inovative apo metoda të tjera të përshtatshme për mbrojtjen e mjedisit në qytetin e Tiranës. /ekofin.al
