Banka e Shqipërisë ka vazhduar të forcojë nivelin e rezervës valutore gjatë verës. Në fund të muajit korrik, vlera e kësaj rezerve arriti në rreth 5.7 miliardë euro, duke shënuar një rritje prej 1.5% krahasuar me të njëjtën periudhë të vitit të kaluar.
Nga fillimi i majit, kur banka filloi blerjet direkte për të stabilizuar kursin e këmbimit euro-lek, vlera e rezervës është rritur me 254 milionë euro, ose 4.7%. Për vitin 2024, plani parashikon që shuma e synuar për blerjen nëpërmjet ankandeve do të variojë ndërmjet 250 milionë dhe 330 milionë euro.
Rezerva valutore është një instrument kyç për menaxhimin e goditjeve ekonomike dhe për mbulimin e deficitit të llogarisë korrente, si dhe për kontrollin e nivelit të lartë të Euroizimit në sektorin financiar. Një nga kriteret për përcaktimin e vlerës së nevojshme të rezervës është që ajo të mbulojë të paktën katër muaj importe.
