Angjinaret, janë ndër perimet më të pasura me antioksidant, ato përmbajnë fibra, vitamina, minerale. Kjo bimë e ka origjinën në Mesdhe dhe është përdorur me shekuj për vetitë e saj medicinale së bashku me ekstraktin e saj, i cili përmban përqendrime të larta të përbërësve që gjenden në bimë. Janë shumë të pasura me folate, vitaminë C dhe K, e me minerale të rëndësishme, si magnezi, fosfori, kaliumi dhe hekuri.
Argjinaret ndihmojnë në uljen e presionit të gjakut pasi janë të pasura me kalium, përmirsojnë shëndetin e mëlçisë duke larguar toksinat. Kjo perime njihet po ashtu si burim i shkëlqyer i i fibrave, të cilat mbajnë sistemin tretës të shëndetshëm duke shtuar popullatën e baktereve të mira, si dhe ndikon pozitivisht në procesin që kryen zorra e trashë. Konsumimi i ekstraktit të angjinares çdo ditë për dy muaj mund të ulë nivelet e sheqerit në gjak.
