Rënia e madhe e numrit të gjedhëve në njërën anë dhe rritja e numrit të turistëve në anën tjetër kanë sjellë rritje të importeve të mishit për vitin 2024.
Referuar të dhënave të INSTAT, gjatë vıtıt 2024, u importuan rreth 48 mijë e 600 ton mish, përfshirë edhe të brendshmet që janë të konsumueshme, shifër edhe më e lartë se viti 2023, i cili sërish shënoi rritje krahasuar me vitin 2022.
Rritja e importit ishte më e madhe gjatë muajve të verës, ku vetëm gjatë periudhës qershor-gusht, u regjistrua 13 mijë e 250 ton mish i importuar, ose mbi 25% e sasisë së përgjithshme të gjithë vitit.
Në krahasim me të njëjtën periudhë të vitit të kaluar rritja është me 12%, ndikuar nga sezoni turistik, duke bërë që restorantet dhe shërbimet e tjera të importojnë më shumë mish për të përmbushur nevojat e turistëve të huaj dhe jo vetëm.
Për sa i përket vendeve nga ku ka ardhur mishi, ashtu si në vitin 2023, edhe vitin e kaluar Brazili mbetet në vend të parë, ndjekur nga Greqia, Shtetet e Bashkuara të Amerikës, Paraguai dhe Italia.
Gjatë vitit të shkuar, rreth 12 mijë e 300 ton mish erdhën nga ky vend, duke përbërë një katërtën e totalit të importit, ose 25%.
