Kompania Pfizer ka sjellë në vendin tonë javën e shkuar 140 400 doza të vaksinës anti- COVID.
Ministria e Shëndetësisë dhe Instituti i Shëndetit Publik i bëjnë apel qytetarëve të vaksinohen për të mbrojtur veten dhe shëndetin e të tjerëve.
Çdo qytetar, si dhe femijët mbi 12 vjeç, mund të vaksinohen apo të rivaksinohen me dozën e tretë pranë qendrave të tyre shëndetësore ose në pikat e vaksinimit të përqendruar.
Qytetarët mbi 60 vjeç dhe ata me imunitet të dobët, që kanë kaluar 4-6 muaj nga kryerja e dozës së tretë, mund të marrin dozën e katërt të vaksinës anti-Covid, sipas rekomandimit të mjekut të familjes.
Vaksinat anti-COVID reduktojnë mundësinë e infektimit dhe shmangin në shkallë të lartë hospitalizimet dhe fatalitetet.
Institutit të Shëndetit Publik, informon se deri tani kanë mbërritur në Shqipëri 3 282 630 doza vaksine anti-COVID.
