Ministria e Energjisë e Malit të Zi e ka dorëzuar Draftplanin Kombëtar të Energjisë dhe Klimës (NECP). në Sekretariatin e Komunitetit të Energjisë për shqyrtim, ka thënë ministri i Energjisë Sasha Mujoviq, përcjellë gazetës malazeze “Vijesti”.
Ai theksoi se Malit të Zi i nevojiten 1.1 miliardë euro për të arritur të gjitha synimet e përcaktuara në NECP. Është një barrë e rëndë financiare për qeverinë dhe e bën të paarritshme objektivat e vitit 2030, ndaj kërkon lehtësimin e detyrimeve.
Ministria e Energjisë i ka kërkuar zyrtarisht sekretariatit në gusht që të rishqyrtojë objektivat e Malit të Zi për vitin 2030 për klimën dhe energjinë.
Mali i Zi është i detyruar të zvogëlojë emetimet e gazeve serrë me 55% në 2,400 kilotonë ekuivalent të dioksidit të karbonit, që do të thotë të vendosë masa të rrepta në sektorët e energjisë elektrike dhe transportit. Është e nevojshme të ndërtohen centrale me burimeve të rinovueshme, të futen makina elektrike, të modernizohet transporti publik dhe të futet një pjesë e detyrueshme e biokarburanteve, shtoi ministri.
Mujović shpjegoi se Mali i Zi sugjeroi afatin 2041 për TEC Pljevlja për të siguruar kohë për instalimin e termocentraleve të reja.
Ai bëri të ditur se deri në fund të vitit qeveria do të përcaktojë subvencione për sektorin e energjisë elektrike për të parandaluar rritjen e çmimeve. Megjithatë, sipas Mujoviqit, çmimi i energjisë elektrike duhet të rritet deri në vitin 2027 drejt mesatares së BE-së, që është 27-28 euro cent për kilovat/orë.
Çmimi aktual është rreth dhjetë cent
Çmimi do të rritet në 16-17 cent dhe do të arrijë mesataren e Kroacisë, vlerësoi Mujoviq, duke shtuar se do të ndihmohen kategoritë sociale vulnerabël.
Ministria e Energjisë dhe OST CGES malazeze kanë përgatitur zgjidhjen përfundimtare për zhbllokimin e shtrimit të kabllit të dytë të lidhjes energjetike nëndetëse midis Malit të Zi dhe Italisë, me kapacitet 1000 MW. Pjesa e projektit e Korridorit Elektrik Transballkanik. Ai nuk i zbuloi detajet por premtoi se çështja do të zgjidhet deri në fund të vitit.
Dy pengesa kryesore janë statusi ligjor i pronave përgjatë rrugës së korridorit dhe dokumentacioni planifikues për linjën e transmetimit Pljevlja – Bajina Bašta.
Ai kujtoi se është duke u bërë një studim fizibiliteti për projektet e ruajtjes së energjisë elektrike. Lokacionet janë brenda hidrocentralit Perućica, ish-uzinës së çelikut Željezara Nikshiq dhe minierës së qymyrit Pljevlja. /Balkan Green Energy News
