Dëshironi të vizitoni një tjëtër destinacion turistik të Shqipqrisë ku flora e fauna është e larmishme? Mjafton që një fundjavë të udhëtoni drejt Maliqit, vetëm 10 km larg Korçës, për të parë nga afër pyllin e fazanëve. Pylli i fazanëve është një nga atraksionet më interesante në juglindje të vendit. Me një peizazh fantastik, ky pyll gëzon statusin e monumentit natyror, ndërsa fazanët janë simboli i monumentit të natyrës. Sot ky pyll është streha e fazanëve, sorkadheve, lepujve të egër, dhelprave, është pylli i plepave, shelgut, blirit, pishës dhe bredhit. Ajri i pastër, peizazhi mahnitës, gjelbërimi të shoqërojnë kudo në këtë hapsirë.
Fotot nga ky pyll, i ka shpërndarë në rrjetet sociale Ministrja e Turizmit dhe Mjedisit, Mirela Kumbaro.
“Pylli i Fazanëve në Maliq, një oaz fantastik prej 50 hektarësh pjesë e zonave të mbrojtura, edhe po aq i frekuentuar nga turistët që duan natyrën në qarkun e Korçës”, ka shkruar Mirela Kumbaro.
