Gentian Sala ka dhënë dorëheqjen nga posti i kryetarit të Autoritetit të Komunikimeve Elektronike dhe Postare (AKEP), detyrë të cilën e mori në shkurt të vitit 2025.
Mësohet se dorëheqja është paraqitur pak kohë më parë dhe i është përcjellë Kuvendit të Shqipërisë, ku është zyrtarizuar largimi i tij nga detyra. Pas këtij zhvillimi, kanë nisur procedurat për përzgjedhjen e drejtuesit të ri të institucionit.
Kujtojmë se Gentian Sala u zgjodh kryetar i Këshillit Drejtues të AKEP më 17 shkurt 2025, me 73 vota pro në Kuvendin e Shqipërisë.
Kandidatura e tij ishte propozuar nga Këshilli i Ministrave, ndërsa Sala zëvendësoi në këtë detyrë Tomi Frashërin, mandati i të cilit kishte përfunduar në dhjetor 2024.
Përpara emërimit në AKEP, Sala kishte drejtuar Autoritetin e Medias Audiovizive (AMA) gjatë periudhës 2014–2019. Nga viti 2021 ai kishte mbajtur drejtimin e Sekretariatit për koordinimin e marrëdhënieve mes Shqipërisë dhe Kosovës.
