Në vendet me të ardhura të ulëta, shumica e njerëzve punojnë në bujqësi, ndërsa në vendet e pasura tre të katërtat janë të punësuar në sektorin e shërbimeve.
Industria nuk është më punëdhënësi kryesor në asnjë vend. Për krahasim, në vitet 1970 ajo zinte 46% të fuqisë punëtore në Mbretërinë e Bashkuar.
Bazuar në të dhënat më të fundit të Bankës Botërore, të përpunuara nga Visual Capitalist, punësimi ndahet sipas sektorëve: shërbime, bujqësi dhe industri.Modelet e punësimit ndryshojnë ndjeshëm në varësi të nivelit të zhvillimit të një vendi.
Shërbimet dominojnë në vendet me të ardhura të larta
Në ekonomitë e pasura, shërbimet përfshijnë pothuajse tre të katërtat (74%) e fuqisë punëtore. Këtu bëjnë pjesë punët në kujdesin shëndetësor, arsim, tregti me pakicë, financë dhe teknologji. Edhe Shqipëria futet në grupin e shteteve ku sektori i shërbimeve shënon numrin më të madh të të punësuarve. Ndërkohë, bujqësia përfaqëson vetëm 3% të punëtorëve në këto vende. Ky ndryshim pasqyron dekada industrializimi dhe kalimin drejt ekonomive të bazuara në njohuri dhe shërbime. Gjithashtu, vendet me nivele të larta urbanizimi pothuajse gjithmonë kanë shërbimet si punëdhënësin kryesor.
Bujqësia mbetet qendrore në vendet me të ardhura të ulëta
Në këto vende, 57% e punëtorëve janë të punësuar në bujqësi, duke e bërë atë sektorin më të madh me diferencë të madhe. Bujqësia siguron ushqim dhe mjete jetese, por shpesh reflekton mungesën e rritjes industriale. Shërbimet zënë vetëm rreth një të tretën e fuqisë punëtore, ndërsa industria mbetet e vogël me 11%.
Një ndarje globale mes sektorëve
Në nivel botëror, shpërndarja e punësimit është më e balancuar: 50% në shërbime, 26% në bujqësi dhe 24% në industri.
