Bordi i Transparencës ka përcaktuar çmimet e reja të shitjes me shumicë dhe pakicë për karburantet, në kushtet e situatës së veçantë të shpallur në tregun e hidrokarbureve.
Në mbledhjen e zhvilluar më 22 shtator 2026, Bordi vendosi që çmimi maksimal i shitjes me pakicë për gazoilin të jetë 213 lekë/litër, ndërsa çmimi maksimal me shumicë 201 lekë/litër.
Për benzinën, çmimi maksimal i shitjes me pakicë u përcaktua në 193 lekë/litër, ndërsa ai me shumicë në 181 lekë/litër.
Çmimet e reja hyjnë në fuqi sot, më 22 shtator, në orën 12:00, dhe do të mbeten në fuqi deri në mbledhjen e ardhshme të Bordit, kur do të rishikohen në varësi të ndryshimeve në treg.
Vendimi është marrë në zbatim të kuadrit ligjor për përpunimin, transportimin dhe tregtimin e naftës, gazit dhe nënprodukteve të tyre, si dhe të vendimit të Këshillit të Ministrave nr. 711, datë 16 shtator 2026, për shpalljen e situatës së veçantë në tregun e hidrokarbureve.
Bordi u ka rikujtuar operatorëve të tregtimit me shumicë dhe pakicë detyrimin për të zbatuar çmimet e përcaktuara. Për shkeljet e konstatuara parashikohet pezullimi i aktivitetit.
