Banka e Shqipërisë gjatë vitit 2025 do të organizojë për herë të parë ankande forward, për blerjen e valutës së huaj me afat 3-mujor.
Nga 22 ankande të planifikuara, pesë do të jenë me afat forward 3-mujor dhe 4 të tjera me afat forëard 1-mujor. Pjesa tjetër e ankandeve do të zhvillohen me metodën e zakonshme spot, pra blerje në datën e ankandit.
Marrëveshja forward është detyruese, pra si blerësi, ashtu edhe shitësi nuk mund të heqin dorë në rast se kursi I fiksuar i këmbimit ndryshon në mënyrë të pafavorshme.
Rënia e fortë e kursit të këmbimit të euros me lekun ka rritur vëmendjen e aktorëve të tregut rreth këtyrë kontratave.
Për herë të parë, Banka e Shqipërisë organzoi ankande forward në vitin 2021, për të nxitur përdorimin e këtij instrumenti edhe në transaksionet e tregut ndërbankar dhe subjekteve private.
Megjithatë, kërkesa për këto kontrata është e ulët, pasi njihen shumë pak nga bizneset, gjë që nuk i nxit bankat të investojnë./ Scan tv
