Presidenti i Francës, Emmanuel Macron, ka shkuar në Katedralen “Notre-Dame” të premten me një ekip televiziv për t’i treguar botës katedralen e restauruar, pesë vjet e gjysmë pasi ndërtesa u shkatërrua pjesërisht nga zjarri.
Ai është i shoqëruar nga kryearkitektin Philippe Villeneuve, i cili ka treguar për procesin e restaurimit të kësaj vepre gjigande.
Villeneuve ka përmendur sfidat me të cilat janë përballur punëtorët, si moti e pandemia me COVID-19. Presidentit iu tregua statuja e Virgjëreshës me Fëmijë e shekullit të 14-të, një nga simbolet e Notre-Dame, e cila u shpëtua nga zjarri.
Monumenti i stilit gotik u dogj në prill 2019 me flakët që përshkuan çatinë dhe majën prej druri. Për të përkujtuar rilindjen madhështore, më 7 dhjetor, ceremonia do të transmetohet në mbarë botën me një meshë publike të planifikuar më 8 dhjetor 2024.
