Deklarata Individuale Vjetore e të Ardhurave (DIVA) për vitin 2025 është instrumenti kryesor për konsolidimin vjetor të tatimit mbi të ardhurat personale dhe një proces kyç si për përmbushjen e detyrimeve ligjore, ashtu edhe për përfitimin e zbritjeve dhe rimbursimeve të mundshme tatimore. Përtej faktit nëse është e detyrueshme apo vullnetare, plotësimi i saktë i DIVA-s u mundëson individëve të pasqyrojnë të gjitha burimet e të ardhurave, të aplikojnë zbritjet personale, familjare dhe arsimore, si dhe të korrigjojnë çdo diferencë mes tatimit real vjetor dhe atij të mbajtur gjatë vitit.
Udhëzuesi i mëposhtëm, i përgatitur nga Altax, synon të shërbejë si një manual praktik dhe i detajuar për plotësimin korrekt të DIVA 2025, duke sqaruar se kush ka detyrim deklarimi, kur deklarata nuk është e detyrueshme, cilat janë përfitimet nga dorëzimi vullnetar, si funksionojnë zbritjet dhe si plotësohen saktë seksionet kryesore të formularit elektronik.
1. Kush ka detyrim të dorëzojë DIVA-në?
Kanë detyrim të dorëzojnë DIVA-n:
- çdo individ rezident në Republikën e Shqipërisë që ka realizuar të ardhura vjetore
- bruto mbi 1.200.000 lekë;
- individët me më shumë se një punëdhënës gjatë vitit (dypunësim);
- individët me të ardhura nga investime (qira, interesa, dividende, fitime kapitale,
- mjete virtuale1), kur këto nuk janë tatim përfundimtar në burim2;
- individët që kërkojnë rimbursim tatimi ose aplikim të zbritjeve personale dhe
- familjare.
Për individët rezidentë, të ardhurat bruto përfshijnë të gjitha burimet globale (brenda dhejashtë Shqipërisë).Për jorezidentët, deklarohen vetëm të ardhurat me burim në Shqipëri, nëse mbi 1.200.000 lekë. Në rastet e punësimit në më shumë se një punëdhënës, deklarohet totali i të ardhurave ngapunësimi për të llogaritur tatimin e saktë.
Kur DIVA nuk është e detyrueshme?
Deklarata Individuale Vjetore e të Ardhurave Personale (DIVA) nuk është e detyrueshme në rastet kur individi plotëson të gjitha kushtet e mëposhtme njëkohësisht, të tilla si:
- ka vetëm një punëdhënës gjatë gjithë vitit tatimor (pa dypunësim, edhe për një muaj
- të vetëm);
- nuk ka të ardhura të tjera të tatueshme (p.sh., nga qira, interesa, dividende, fitime
- kapitale, mjete virtuale apo biznes, kur këto nuk kanë tatim përfundimtar në burim)
- dhe;
- të ardhurat vjetore bruto totale nuk kalojnë 1.200.000 lekë (prag i ulur sipas Ligjit nr.
- 29/2023 i ndryshuar, i zbatueshëm për të ardhurat e vitit 2024 e tutje, deklaruar në 2025 dhe 2026).
Në këto raste, punëdhënësi i vetëm ka mbajtur tatimin në burim, duke aplikuar zbritjet mujorestandarde, dhe nuk ka nevojë për konsolidim vjetor apo korrigjim.
Megjithatë, edhe kur nuk është e detyrueshme, deklarata mund të dorëzohet vullnetarisht për të përfituar:
- Rimbursim të tatimit të mbipaguar gjatë vitit (p.sh., nëse tatimi i mbajtur mujor ka
- qenë më i lartë se ai real vjetor);
- Aplikim të zbritjeve personale dhe familjare që nuk reflektohen plotësisht mujor (si
- kompensimi për fëmijë 48.000 lekë/fëmijë nën 18 vjeç, vetëm nga prindi me të
- ardhura më të larta);
- Zbritje për shpenzime arsimi deri në 100.000 lekë/vit (fikse, pavarësisht numrit të
- fëmijëve), vetëm nëse të ardhurat bruto vjetore janë nën 1.200.000 lekë dhe
- shpenzimet janë të dokumentuara me fatura/kontrata nga institucione arsimore
- private (jo për arsim publik).
Këto zbritje familjare dhe arsimore aplikohen vetëm përmes DIVA-s vjetore, duke çuar shpesh në rimbursim tatimi.
Për raste speciale, për individët jorezidentë detyrimi lind vetëm nëse të ardhurat bruto vjetore me burim në Shqipëri (p.sh., pagë, qira nga pronë këtu) kalojnë 2.000.000 lekë. Nëse janë nën këtë prag, nuk ka detyrim deklarimi, përveç rastit të dypunësimit (punë në më shumë se një punëdhënës shqiptar).
Për jorezidentët përdoret formulari D2 (ndryshe nga D1 për rezidentët). Jorezidentët nuk përfitojnë nga zbritjet familjare ose arsimore.
Edhe nëse nuk keni detyrim, dorëzimi vullnetar i DIVA-s është i rekomanduar nëse keni fëmijë nën 18 vjeç ose shpenzime arsimore, pasi mund të rezultojë në rimbursim të konsiderueshëm. Ruani gjithmonë dokumentet (certifikata vjetore, fatura arsimore) për të paktën 5 vite, në rast kontrolli. Për konfirmim personal, përdorni mjetin orientues në tatime.gov.al ose kontaktoni DPT-në.
2. Zbritjet personale dhe familjare
Zbritjet personale dhe familjare ulin bazën tatimore vjetore, duke reduktuar tatimin real që paguani. Këto zbritje aplikohen vetëm në deklaratën vjetore DIVA (për të ardhurat e vitit 2025, deklaruar deri më 31 mars 2026) dhe nuk reflektohen automatikisht në mbajtjet mujore në burim (përveç zbritjes personale bazë, që mund të kërkohet mujore përmes Deklaratës së Statusit Personal).
Këto zbritje shpesh çojnë në rimbursim tatimi, sidomos për familjet me fëmijë ose shpenzime arsimore. Ruani dokumentet (certifikatë familjare, fatura arsimore) për të paktën 5 vite.
2.1 Zbritja personale vjetore (Neni 22, pika 1)
Kjo është zbritja bazë individuale që aplikohet për çdo tatimpagues.
Të ardhura vjetore bruto nga Punësimi/Biznesi Zbritje vjetore
≤ 600.000 lekë 600.000 lekë
600.001 – 720.000 lekë 420.000 lekë
> 720.000 lekë 360.000 lekë
Këto pragje dhe shuma mbeten të pandryshuara sipas praktikës administrative të Drejtorisë së Përgjithshme të Tatimeve (DPT). Nuk ka indeksim automatik me inflacionin për këto vlerë në vitin tatimor 2025. Kjo zbritje mund të kërkohet mujor (1/12 e shumës vjetore) përmes Deklaratës së Statusit Personal te punëdhënësi kryesor.
2.2 Kompensimi për fëmijë (Neni 22, pika 2)
Kompensimi është 48.000 lekë/vit për çdo fëmijë nën 18 vjeç (në ngarkim, i regjistruar në certifikatën familjare). Kushtet kryesore janë si më poshtë:
- Kërkohet vetëm nga prindi me të ardhura më të larta vjetore (për të shmangur përfitim të dyfishtë në familje).
- Aplikohet pavarësisht nivelit të të ardhurave bruto.
- Kërkohet vetëm në DIVA vjetore (jo mujore).
Kjo zbritje ul bazën tatimore dhe shpesh rezulton në rimbursim (p.sh., 48.000 lekë × 13% = rreth 6.240 lekë kthim për fëmijë, në varësi të normës).
2.3 Shpenzime arsimi (Neni 22, pika 3)
Deri në 100.000 lekë/vit (shumë fikse maksimale, pavarësisht numrit të fëmijëve ose shumës reale të shpenzuar).
Kushtet kryesore janë si më poshtë:
- Vetëm nëse të ardhurat vjetore bruto nga punësimi dhe/ose biznesi janë më pak se 1.200.000 lekë.
- Për shpenzime korrente arsimore të fëmijëve nën 18 vjeç (p.sh., shkolla private, kurse dhe jo arsim publik).
- Kërkohet dokumentacion (fatura, kontrata nga institucione të licencuara); ruani për kontroll.
- Kërkohet vetëm nga prindi me të ardhura më të larta.
- Aplikohet vetëm në DIVA vjetore.
Nëse shpenzimet reale janë më pak se 100.000 lekë, zbritet vetëm shuma e dokumentuar. Kjo zbritje mund të çojë në rimbursim të konsiderueshëm për familjet me të ardhura të ulëta.
Formulari DIVA ndahet në dy seksione kryesore: Seksioni A (Të dhëna identifikuese) dhe Seksioni B (Llogaritja e tatimit). Sistemi elektronik e-Filing në tatime.gov.al ose përmes e-Albania paraplotëson automatikisht shumë rubrika me të dhëna nga punëdhënësit (p.sh., të ardhura nga paga dhe tatimi i mbajtur). Megjithatë, ju duhet të verifikoni, korrigjoni dhe plotësoni të dhënat e tjera.
Paralajmërim
Gabimet në plotësim (sidomos në të dhëna identifikuese ose burime të ardhurash) mund të çojnë në refuzim të deklaratës, penalitete ose humbje të përfitimeve (p.sh., rimbursim tatimi). Ruani kopje të deklaratës së dorëzuar dhe konfirmimin elektronik.
SEKSIONI A – Të dhëna identifikuese (Rubrikat 1–18)
Ky seksion shërben për identifikimin e saktë të tatimpaguesit, përcaktimin e statusit rezident/jorezident dhe të drejtën për zbritje personale/familjare. Të dhënat këtu janë bazë për aplikimin automatik të zbritjeve dhe kontrollin e riskut.
Rubrikat kryesore
Rubrika 1–5 përfshin Emrin, Mbiemrin, Numrin Identifikues Personal (NIPT ose ID personale), adresën aktuale e banimit, statusin rezident/jorezident (rezident nëse qëndroni më shumë se 183 ditë në vit në Shqipëri).
Rubrika 6–10 përfshin detaje familjare, si numri i fëmijëve nën 18 vjeç në ngarkim, statusi martesor, bashkëshorti/ja (për të aplikuar kompensimin për fëmijë vetëm nga prindi me të ardhura më të larta).
Rubrika 11–18 përfshin deklarimin fillestar i burimeve të të ardhurave (punësim, biznes, qira, investime, të ardhura të huaja ose digjitale si freelance/kripto). Këtu shënoni nëse keni dypunësim ose të ardhura pa tatim në burim. Gabimet e shpeshta janë mosdeklarim i saktë i statusit rezident çon në tatim të gabuar global; mosplotësim i fëmijëve humb kompensimin 48.000 lekë/fëmijë. Këto gabime ndikojnë drejtpërdrejt në zbritjet dhe rimbursimin final.
SEKSIONI B – Llogaritja e tatimit
Ky seksion konsolidon të gjitha të ardhurat, zbritjet dhe tatimet për të përcaktuar balancënfinale (rimbursim ose pagesë shtesë).
4.1 Të ardhurat bruto (Rubrikat 3–23)
Deklarohen gjithmonë në vlerë bruto (para zbritjeve), mbi bazë dokumentare (certifikata vjetore, kontrata, pasqyra bankare).
Përfshihen:
- Të ardhura nga punësimi (paraplotësohen automatikisht);
- Të ardhura nga biznesi ose freelance digjitale;
- Të ardhura nga investime (qira, interesa, dividende);
- Të ardhura të huaja (globale për rezidentët);
- Fitime kapitale nga kripto/mjete virtuale (vetëm fitimi neto).
Këshillë
Për kripto, llogaritni fitimin neto dhe bashkangjitni evidencë transaksionesh.
4.2 Shpenzime dhe zbritje (Rubrikat 24–30)
Këto ulin bazën tatimore. Kërkojnë provë dokumentare të ngarkuar ose të ruajtur:
- Zbritja personale vjetore (360.000–600.000 lekë);
- Kompensimi për fëmijë (48.000 lekë/fëmijë);
- Shpenzime arsimi (deri 100.000 lekë, me fatura);
- Humbje kapitale nga investime (për zbritje nga fitimet).
4.3 Llogaritja e tatimit (Rubrikat 31–37)
Sistemi llogarit automatikisht tatimin veçmas për çdo kategori (punësim 13-23%, investime 15%, etj.) dhe e konsolidon totalin. Përdorni tabelat e normave nga seksioni 2.3 për verifikim manual.
4.4 Tatimet e pagura dhe balanca (Rubrikat 38–58)
Krahasohet tatimi real me tatimin e mbajtur gjatë vitit:
- Nëse tatimi real < i mbajtur → Rimbursim (kërkohet automatikisht);
- Nëse tatimi real > i mbajtur → Pagesë shtesë (gjenerohet urdhër-pagesë).
Rezultati final ka shumën për rimbursim ose detyrim, plus kamatëvonesa nëse ka vonesë.
Rast shembull
Pagë mujore bruto nga punësimi
150.000 lekë → 1.800.000 lekë/vit (12 muaj).
Qarkullim vjetor nga biznesi (vetëpunësim, regjimi i thjeshtuar me shpenzime të supozuara 30% – p.sh. shërbime jo-profesionale) 9.000.000 lekë (nën limitin 14 mln → tatim 0% mbi fitimin). Numër fëmijësh në ngarkim 2 (nën 18 vjeç).
1. Të ardhurat nga punësimi (normat progresive 13%/23%)
Baza vjetore bruto = 1.800.000 lekë
Zbritjet personale (neni 22, pika 1)
Të ardhurat vjetore nga punësimi + biznesi (totali i konsideruar për zbritje) = 1.800.000 + 9.000.000 = 10.800.000 lekë → >720.000 lekë → zbritje bazë vjetore = 360.000 lekë.
Kompensim për fëmijë = 48.000 lekë/vit për secilin → 96.000 lekë total (merret nga anëtari me të ardhurat më të larta, zakonisht biznesi).
Baza tatuese nga punësimi (pas zbritjeve, por zbritjet aplikohen në totalin e bazës tatuese nga punësimi + biznesi – në praktikë, për punësimin llogaritet mujore nga punëdhënësi me zbritje 30.000 lekë/muaj mesatare + fëmijët në deklaratën vjetore)
Paga mujore 150.000 lekë → zbritje mujore efektive ~30.000 lekë (për >60.000 lekë/muaj) → baza mujore tatuese ~120.000 lekë.
Vjetore ~1.440.000 lekë baza tatuese para kompensimit fëmijë.
Pas +96.000 lekë për fëmijët (në DIVA vjetore): ~1.344.000 lekë baza tatuese nga punësimi.
Tatimi progresiv (neni 24):
Deri në 2.040.000 lekë/vit → 13% (këtu të gjitha <2.040.000 lekë).
Tatimi nga punësimi: 1.344.000 × 13% ≈ 174.720 lekë/vit (zakonisht mbajtur mujore nga punëdhënësi, me rregullim në fund të vitit në deklaratën vjetore).
2. Të ardhurat nga biznesi (regjimi i thjeshtuar – shpenzime të supozuara 30%)
Qarkullim bruto = 9.000.000 lekë
Shpenzime të supozuara (30% për veprimtari jo-prodhuese) = 9.000.000 × 30% =
2.700.000 lekë
Fitimi i tatueshëm (baza) = 9.000.000 – 2.700.000 = 6.300.000 lekë
Norma tatimore
Qarkullim <14 milionë lekë → 0% tatim mbi fitimin (deri në fund të 2029 për individë tregtarë/vetëpunësuar jo-profesionistë).
Tatimi nga biznesi = 0 lekë (nëse nuk ka varësi nga pak klientë që e kthen në punësim.
Nëse >80% qarkullimi vjen nga një klient ose >90% nga ≤2 klientë, klasifikohet si punësim → tatim 13%/23% + kontribute sigurimesh më të larta.)
3. Përmbledhje totale (pa të ardhura nga investimet)
Tatim nga punësimi ≈ 174.720 lekë (mbajtur kryesisht mujore).
Tatim nga biznesi = 0 lekë (falë pragut 0% deri 14 mln qarkullim).
Total tatim vjetor ≈ 174.720 lekë (plus kontribute sigurimesh shoqërore/shëndetësore mujore sipas pagës + biznesit, por këtu fokus te tatimi mbi të ardhurat).
Të ardhurat neto efektive për familjen (përafërsisht) = 1.800.000 (pagë) + 9.000.000 (qarkullim biznesi) – 174.720 (tatim) – 2.700.000 (shpenzime të supozuara ose reale) ≈ 7.925.280 lekë neto vjetore (para kontributeve sigurimesh).
4.5 Detaje për dorëzimin elektronik
Deklarata për vitin 2025 dorëzohet ekskluzivisht elektronik deri më 31 mars 2026 (afat i
pandryshuar sipas Ligjit nr. 29/2023 dhe praktikës së DPT-së).
Hapat praktikë shikojini më poshtë:
1. Hyni në e-Albania.al ose tatime.gov.al/e-Filing me kredencialet tuaja (NIPT/ID personale + fjalëkalim; regjistrohuni nëse nuk keni, me verifikim email/SMS).
2. Zgjidhni shërbimin “Deklarata Individuale Vjetore e të Ardhurave (DIVA)”.
3. Krijo deklaratë për periudhën janar-dhjetor 2025; përdorni formularin D1 (për rezidentë) ose D2 (për jorezidentë).
4. Plotësoni/verifikoni rubrikat; ngarkoni dokumente mbështetëse (certifikata vjetore nga punëdhënësi, kontrata qiraje, pasqyra bankare, evidencë kripto ose të ardhura të huaja).
5. Sistemi llogarit automatikisht tatimin dhe balancën; kontrolloni për gabime (p.sh., mosputhje bruto/neto ose zbritje të harruara).
6. Dorëzoni deklaratën; merrni konfirmim me email.
7. Nëse rezulton rimbursim → kërkohet automatikisht në llogarinë bankare të deklaruar. Nëse rezulton pagesë shtesë → paguani online përmes bankës ose gjeneroni urdhërpagesë.
Nëse platforma refuzon (p.sh., për regjistrim të gabuar ose dokumente të mangëta), kontaktoni DPT-në në 0800 00 02 ose zyrat rajonale.
Vonesat pas 31 mars 2026 sjellin gjoba automatike deri në 10.000 lekë + kamatëvonesë.
Për më shumë detaje zyrtare ose video udhëzuese, vizitoni tatime.gov.al. Rekomandohet të filloni plotësimin herët për të shmangur ngarkesën e fundit.
5. Shembuj praktikë
Shembujt më poshtë tregojnë se DIVA është balancë vjetore, jo tatim i ri.
DIVA është deklaratë INDIVIDUALE, jo familjare. Por tatimi mbi të ardhurat personale kaelementë familjarë, që reflektohen në: zbritjen personale vjetore; kompensimin për fëmijë; zgjedhjen e prindit që përfiton zbritjet.
DIVA shërben për të konsoliduar të gjitha të ardhurat e individit; rishpërndarë drejt barrën fiskale brenda familjes; korrigjuar mbajtjet e bëra në burim gjatë vitit.
A. SHEMBUJ TË THJESHTË
SHEMBULLI 1
Një punë + 1 fëmijë → pse DIVA sjell rimbursim
Situata familjare
1 prind i punësuar
1 prind pa të ardhura
1 fëmijë nën 18 vjeç
Situata individuale (pa DIVA)
Pagë mujore bruto = 90.000 lekë
Pagë vjetore bruto = 1.080.000 lekë
Punëdhënësi gjatë vitit aplikon zbritje mujore standard, por nuk aplikon kompensimin për fëmijë
Tatimi i mbajtur gjatë vitit (afërsisht):
Bazë mujore e tatueshme ≈ 60.000 lekë
Tatim mujor ≈ 7.800 lekë
Tatim vjetor i mbajtur ≈ 93.600 lekë
Çfarë bën DIVA në fund të vitit?
Hapi 1 – Totali i të ardhurave = 1.080.000 lekë
Hapi 2 – Zbritjet
Kompensim për 1 fëmijë = 48.000 lekë
Zbritje totale = 48.000 lekë
Hapi 3 – Efekti tatimor i zbritjes
Zbritja nuk ndryshon skemën mujore të tatimit, por ul bazën vjetore të tatueshme për efekt korrigjimi familjar. Efekti fiskal = 48.000 × 13% = 6.240 lekë
Hapi 4 – Tatimi real
Krahasimi final
• Tatim i paguar gjatë vitit = 93.600 lekë
• Tatim real sipas DIVA-s = 87.360 lekë
Pse krijohet rimbursimi?
Sepse: gjatë vitit tatimi është llogaritur vetëm mbi pagën; DIVA fut në llogaritje elementin familjar (fëmijën); ligji njeh 48.000 lekë zbritje vjetore për çdo fëmijë.
DIVA nuk fal tatim, por korrigjon tatimin sipas realitetit familjar.
Çfarë duhet të kuptojë individi?
- Zbritja personale nuk rillogaritet në DIVA.
- Rimbursimi vjen vetëm nga zbritjet që nuk janë aplikuar gjatë vitit.
- Për një fëmijë, efekti maksimal është = 6.240 lekë në vit.
SHEMBULLI 2
Dy punë → pse DIVA është e detyrueshme
Situata individuale
Individ rezident dhe pa fëmijë.
Punë 1 = 70.000 lekë/muaj × 12 = 840.000 lekë
Punë 2 =: 40.000 lekë/muaj × 6 = 240.000 lekë
Të ardhura totale = 1.080.000 lekë
Pas ndryshimeve ligjore dhe procedurale në 2024:
- Tatimpaguesi deklaron statusin e dypunësimit përmes DIVA-s
- Tatimi mbi të ardhurat personale mbahet vetëm nga një punëdhënës (punëdhënësi kryesor)
- Punëdhënësi i dytë nuk aplikon zbritje personale
- Nuk ka “zbritje të dyfishtë mujore” gjatë vitit
Tatimi i mbajtur gjatë vitit
Tatimi mbahet vetëm nga punëdhënësi kryesor, bazuar në të ardhurat e deklaruara
Tatim i mbajtur gjatë vitit ≈ 93.600 lekë (ky është tatimi i llogaritur mbi bazën vjetore të konsoliduar)
Çfarë bën DIVA në fund të vitit?
Në këtë rast, DIVA nuk shërben për të korrigjuar mbajtje të gabuara mujore, por për të:
- konsoliduar përfundimisht të ardhurat nga të dy punësimet;
- verifikuar që tatimi i mbajtur është i saktë;
- mbyllur vitin fiskal pa diferenca.
Hapi 1 – Të ardhurat vjetore = 1.080.000 lekë
Zbritje totale në DIVA = 0 lekë
Hapi 2 – Baza reale tatimore = 1.080.000 – 360.000 (personale) = 720.000 lekë
Hapi 3 – Tatimi real vjetor = 720.000 × 13% = 93.600 lekë
Krahasimi final
Tatim i mbajtur gjatë vitit = 93.600 lekë
Tatim real sipas DIVA-s = 93.600 lekë
Në këtë rast nuk ka as rimbursim, as detyrim shtesë
B. SHEMBUJ KOMPLEKSË
SHEMBULLI 3
Pagë + qira + familje pa fëmijë → balancë reale
Situata familjare
Bashkëshorti A ka të ardhura nga pagë + qira
Bashkëshorti B është i punësuar
Familja nuk ka fëmijë në ngarkim.
Situata individuale (A)
Pagë mujore = 110.000 lekë
Pagë vjetore = 1.320.000 lekë
Qira vjetore = 240.000 lekë
Tatimi nga paga gjatë vitit ≈ 170.000 lekë (nuk përfshin qiranë,sepse ajo tatohet veçmas)
Çfarë bën DIVA në fund të vitit?
Në këtë rast, DIVA konsolidon dy burime të ndryshme të ardhurash për të njëjtin individ, verifikon
saktësinë e tatimit mbi pagën, llogarit dhe mbyll detyrimin për qiranë dhe bën balancimin final.
Llogaritja në DIVA
Hapi 1 – Të ardhura totale = 1.320.000 + 240.000 = 1.560.000 lekë
Hapi 2 – Zbritje e lejuara në DIVA = 0 lekë (nuk aplikohet zbritje personale vjetore, nuk ka fëmijë në
ngarkim, nuk ka shpenzime të zbritshme)
Hapi 3 – Tatimi mbi pagën
DIVA nuk rillogarit nga zero tatimin mujor të pagës, por merr si të dhënë tatimin e mbajtur gjatë vitit dhe verifikon që nuk ka shtrembërim.
Tatimi mbi pagën = 170.000 lekë (i pranuar si i saktë në mungesë të elementëve korrigjues)
Hapi 4 – Tatimi mbi qiranë
Të ardhura nga qira = 240.000 lekë x Norma tatimore 15% = Tatimi mbi qiranë = 36.000 lekë
Krahasimi final
Tatim i paguar gjatë vitit = 170.000 lekë
Tatimi mbi qiranë = 36.000 lekë, si detyrim shtesë për tatimin mbi qiranë, që duhet paguar me DIVA.
Nuk ka as rimbursim (sepse nuk ka zbritje familjare), as detyrim tjetër shtesë.
SHEMBULLI 4
Bashkëshortë + 2 fëmijë + biznes 0% → optimizim familjar
Situata familjare
Prindi A ka të ardhura nga pagë + biznes i vogël
Prindi B ka pagë të ulët
Familja ka 2 fëmijë nën 18 vjeç
Ligji lejon që vetëm prindi me të ardhura më të larta të kërkojë kompensim për fëmijët.
Situata individuale (A)
Pagë vjetore = 1.200.000 lekë
Biznes i vogël
Të ardhura bruto = 4.000.000 lekë
Fitim neto = 1.500.000 lekë
Tatim mbi biznesin = 0% (≤14 mln)
Tatimi nga paga gjatë vitit ≈ 156.000 lekë (nuk përfshin zbritjet për fëmijë, sepse ato nuk aplikohen
gjatë vitit).
Çfarë bën DIVA në fund të vitit?
Në këtë rast, DIVA konsolidon të ardhurat personale (pagë + biznes), verifikon që biznesi është
korrektisht në regjim 0%, aplikon zbritjet familjare për fëmijët, të cilat nuk janë reflektuar gjatë vitit dhe korrigjon tatimin mbi pagën.
Llogaritja në DIVA
Hapi 1 – Biznesi (fitimi)
Fitim neto = 1.500.000 lekë
Zbritje personale vjetore = 360.000 lekë
Bazë e rregulluar e biznesit = 1.500.000 − 360.000 = 1.140.000 lekë
Norma tatimore = 0%
Tatim mbi biznesin = 0 lekë
Zbritja personale aplikohet ligjërisht, por pa efekt financiar.
Hapi 2 – Zbritjet familjare (fëmijët)
2 fëmijë × 48.000 = 96.000 lekë
Këto nuk janë aplikuar gjatë vitit dhe përdoren për të korrigjuar tatimin mbi pagën.
Hapi 2 – Tatimi mbi pagën = (1.200.000 – 456.000) × 13% = 744.000 × 13% = 96.720 lekë
Hapi 3 – Efekti mbi tatimin e pagës
Efekti fiskal i zbritjes për fëmijët = 96.000 × 13% = 12.480 lekë
Krahasimi final
Tatim i paguar = 156.000 lekë
Tatim real mbi pagën pas DIVA= 143.520 lekë
Tatim mbi biznesin = 0 lekë
RIMBURSIM total = 12.480 lekë
Çfarë tregon realisht ky rast?
Tatimi mbi pagën nuk aplikon automatikisht zbritjen personale vjetore, por DIVA e korrigjon tatimin përmes zbritjeve familjare. Biznesi në regjim 0% lejon ligjërisht zbritjen personale, por nuk prodhon tatim. Optimizimi familjar është i ligjshëm dhe realizohet vetëm përmes DIVA-s, përqendruar te prindi me të ardhura më të larta.Rimbursimi llogaritet nga tatimi i mbajtur gjatë vitit minus tatimi real pas zbritjeve./ekofin.al
