Prej rreth 1 viti doganierët në pikat kufitare janë trajnuar për ushtrimin e kontrolleve efikase, zbulimin dhe ndjekjen e mallrave të falsifikuara. Projekti i binjakëzimit me administratën doganore të Austrisë, me vlerë prej 400 mijë euro i financuar nga Bashkimi Europian ofroi mbështetje për doganat shqiptare me qëllim rritjen e kapaciteteve operacionale në fushën e mallrave të falsifikuar.
“Ky partneritet ka qenë shumë efiçent, duke bërë bashkë ekspertizën e Austrisë në fushën doganore dhe duke krijuar një eksperiencë së bashku. Kjo është një pjesë e vogël e milionave eurove që BE ka dhënë për këtë fushë, çka tregon rëndësinë që i kushton.
Nisur nga kjo ekspertizë, duhet të adresoni sfidat që kanë të bëjnë me pronësinë intelektuale dhe të arrini standardet e BE. Ne duam që dogana të funksionojë në mënyrë transparente dhe në ndihmë të bizneseve shqiptare”.
Produktet e falsifikuara jo vetëm që sulmojnë emrin dhe vlerën e një biznesi të ligjshëm, por në shumë raste mund të shkaktojnë pasoja të dëmshme për konsumatorët. Marrja e ekspertizës së doganierëve perms këtij projekti, do të rrisë vigjilencën dhe do të mbrojë blerësit.
