Drejtoria e Përgjithshme e Tatimeve bëri të ditur se aksioni kundër informalitetit të pagave ka hyrë në fazën përfundimtare.
Sipas DPT-së, kontrolli do të nisë për 7 mijë tatimpagues të identifikuar me risk, të cilët nuk kanë reflektuar as pas njoftimit të dytë të Administratës Tatimore.
DPT ftoi bizneset të deklarojnë pagat reale të punonjësve të tyre.
“Nëse deklarimi i pagave reale bëhet tani, duke korrigjuar deklaratën e muajit nëntor, subjektet e identifikuara me risk do të përjashtohen nga kontrolli tatimor”, bëri të ditur DPT.
Më herët kryeministri Edi Rama e ka cilësuar luftën kundër informalitetit si kryeprioritetin i qeverisë në këtë vit. Rama paralajmëroi bizneset se nuk do t’ua tolerojë më nëndeklarimin e pagave për punonjësit e tyre, duke e cilësuar këtë fenomen si grabitje ndaj buxhetit të shtetit dhe pensionistëve. Kreu i shtetit ka kërkuar reflektimin e punëdhënësve, ose në të kundërt do të përballen me masa administrative e penale.
Nga ana tjetër administrata tatimore ju ka bërë thirrje bizneseve të deklarojnë pagat reale të punonjësve.
