Qeveria miratoi shpalljen e disa zonave me përparësi për zhvillimin e ekonomisë malore në bashkitë Devoll, Kolonjë, Malësi e Madhe dhe Patos, në zbatim të ligjit “Për paketën e maleve”. Zonat e përcaktuara përfshijnë dhjetëra fshatra dhe sipërfaqe të gjera territoriale, ku kufijtë, shtrirja dhe pikat e hyrje-daljes do të përcaktohen sipas hartave përkatëse në sistemin KRGJSH.
Në territorin e Bashkisë Devoll shpallen:
- Zona nr.1, fshatrat Miras, Vidohovë, Çetë, Qytezë, Sinicë, Arrëz, Nikolicë, Koshnicë, Sul, Ziçisht, Gjyres, Çipan, Përparimaj, Grapsh, Hoçisht, Grace, Baban, Stropan, Eçmenik, Bradvicë, Cangonj, Pilur, Bickë dhe Vranisht, pjesë të njësive administrative Miras, Hoçisht dhe Progër, Bashkia Devoll, Qarku Korçë, me sipërfaqe 15046 ha;
- Zona nr.2, fshatrat Shyec, Rakickë, Buzliqen dhe Tren, pjesë të njësive administrative Progër dhe Qendër Bilisht, Bashkia Devoll, Qarku Korçë, me sipërfaqe 2297 ha.
Në territorin e Bashkisë Kolonjë shpallen:
- Zona nr.1, fshatrat Pobickë dhe Radat, me sipërfaqe 180 ha;
- Zona nr.2, fshatrat Vrepckë dhe Radanj, me sipërfaqe 441 ha;
- Zona nr.3, fshatrat Gërmenj, Radanj dhe Shalës, me sipërfaqe 512 ha;
- Zona nr.4, fshatrat Barmash dhe Kamnik, me sipërfaqe 371 ha;
- Zona nr.5, fshatrat Gjonç, Borovë, Taç Lartë, Taç Qendër, Taç Poshtë, Rehovë, Starie, Selenicë, Psar dhe Kreshovë, me sipërfaqe 3 222 ha;
- Zona nr.6, fshatrat Qinam, Mollas, Helmës, Shtikë dhe Pepellash, me sipërfaqe 1 849 ha;
- Zona nr.7, fshatrat Qafëzez, Boshanj, Psar i Zi, Selenicë e Pishës, Qytezë dhe Çlirim, me sipërfaqe 3 330 ha.
Në territorin e Bashkisë Malësi e Madhe shpallen:
- Zona nr.1, fshati Rapshë, me sipërfaqe 2 659 ha;
- Zona nr.2, fshati Brojë, me sipërfaqe 4 026 ha;
- Zona nr.3, fshati Kastrat, me sipërfaqe 4 612 ha;
- Zona nr.4, fshati Bratosh, me sipërfaqe 992 ha;
- Zona nr.5, fshati Vrith, me sipërfaqe 2 284 ha;
- Zona nr.6, fshati Vajush, me sipërfaqe 1 181 ha;
- Zona nr.7, fshati Reç, me sipërfaqe 1 590 ha;
- Zona nr.8, fshati Rrepisht, me sipërfaqe 1 939 ha;
- Zona nr.9, qyteti Koplik dhe fshatrat Kamicë-Flakë, Stërbeq, Jubicë, Kalldrun, Dobër, Ktosh, Gjormë, Omaraj, Grilë dhe Boriç i Madh, me sipërfaqe 2 769 ha;
- Zona nr.10, fshatrat Vermosh, Lëpushë, Vukël, Nikç dhe Bogë, me sipërfaqe 29 614 ha.
Në territorin e Bashkisë Patos shpallen:
- Zona nr.1, fshati Kuqar, me sipërfaqe 413 ha;
- Zona nr.2, fshati Drenie, me sipërfaqe 519 ha;
- Zona nr.3, fshati Gjynaqarë, me sipërfaqe 506 ha;
- Zona nr.4, fshati Ruzhdie, me sipërfaqe 619 ha;
- Zona nr.5, fshati Siqecë, me sipërfaqe 751 ha.
Këto zona do të përdoren për zhvillimin e aktiviteteve ekonomike, industriale dhe turistike, me synim nxitjen e ekonomisë malore dhe zhvillimin e qëndrueshëm të territorit.
